Komisioneri Shtetëror i Zgjedhjeve, z. Ilirjan Celibashi dhe Nënkomisionerja zj. Lealba Pelinku pritën në takim delegacionin e Misionit të Vëzhgimit të OSBE/ODIHR-it për zgjedhjet e datës 25 prill 2021.

Delegacioni kryesohej nga Ambasadorja Urszula Gacek dhe përbëhej nga Nënkryetarja e Misionit, zj. Poline Lemos, z. Armen Mazmanyan, analist ligjor, z. Robert Bystricky, analist zgjedhor dhe z. Kakha Inaishvili, këshilltar për zgjedhjet i ODIHR.

Qëllimi i takimit ishte prezantimi i Misionit dhe njohja me përgatitjet e procesit zgjedhor.

Misioni i Vëzhgimit të OSBE/ODIHR-it me ftesë të qeverisë shqiptare ndodhet në Shqipëri për të vëzhguar zgjedhjet për Kuvend të datës 25 prill 2021.