Sipas të dhënave elektronike të orës 14:00 ka përfunduar tërësisht numërimi dhe vlerësimi i fletëve të votimit për subjektet zgjedhore, parti politike, koalicione dhe kandidatë të pavarur në 4922 qendra të votimit nga 5199 në total.  

Ka përfunduar tërësisht procesi i numërimit dhe i vlerësimit të fletëve të votimit për partitë politke, koalicionet dhe kandidatët e pavarur për qarqet Shkodër, Lezhë, Kukës, Fier, Elbasan, Gjirokastër, Korçë, Dibër, Berat dhe Vlorë.  

Për qarqet e tjera, Tirana dhe Durrësi procesi ka përfunduar në 11 VNV (vendnumërime), janë ende në proces në 13 VNV ose 270 QV. 

Procesi i numerimit të votave për kandidatët ka përfunduar në 12 VNV dhe ka filluar 23 të tjera.

Pjesëmarrja në zgjedhje pas përfundimit të numërimit të 4922 QV, është 45,72% (kanë votuar 1551921 zgjedhës ndër 3.393.748 që janë në listat e zgjedhësve të QV të numëruara).     

 Bazuar në sa më sipër, rezultatet paraprake janë në rang vendi:

  1. Partia Socialdemokrate: 2,24 % të votave të vlefshme, 3 mandate.
  2. Partia Balli Kombëtar: 0,13% të votave të vlefshme, 0 mandate,
  3. Partia Lëvizja Demokratike Shqiptare 0,30% të votave të vlefshme, 0 mandate,
  4. Partia Bindja Demokratike: 0,53% të votave të vlefshme, 0 mandate,
  5. Aleanca Bashkimi Popullor Emigracioni – Ora e Shpresës dhe Konservatorët: 0,09%,
  6. Levizja Socialiste per Integrim: 6,85%, të votave të vlefshme, 4 mandate,
  7. Partia Nisma Thurje: 0,64% të votave të vlefshme, 0 mandate
  8. Partia Levizja e Re: 0,24%, të votave të vlefshme, 0 mandate
  9. Partia Demokratike “Aleanca për Ndryshim”: 39,40 % të votave të vlefshme, 59 mandate,
  10. Partia Aleanca Demokracia e Re: 0,20% të votave të vlefshme, 0 mandate,
  11. Partia Lëvizja Për Ndryshim: 0,45% të votave të vlefshme, 0 mandate
  12. Partia Socialiste e Shqiperise: 48,67% të votave të vlefshme, 74 mandate

 Kandidati i mbështetur nga zgjedhësit;

  1. Boiken Abazi 0,17 % të votave të vlefshme, 0 mandate,
  2. Elton Debreshi 0,04% të votave të vlefshme, 0 mandate,
  3. Iljaz Shehu 0,03% të votave të vlefshme, 0 mandate,
  4. Kreshnik Merxhani 0,01% të votave të vlefshme, 0 mandate,
  5. Pal Shkambi 0,01% të votave të vlefshme, 0 mandate.

Mandate sipas qarqeve:

 

Subjekti

Be

Di

Du

El

Fr

Gj

Ko

Ku

Le

Sh

Tr

Vl

Partia Socialdemokrate

 

 

 

 

 

 

 

 

 

2

1

 

Levizja Socialiste per Integrim

 

 

 

 

1

 

 

 

 

1

2

 

Partia Demokratike “Aleanca për Ndryshim”

2

3

6

6

6

1

5

2

4

5

15

4

Partia Socialiste e Shqiperise

5

2

8

8

9

3

6

1

3

3

18

8

 

KQZ, po monitoron nga afër procesin e numërimit dhe vlerësimit të fletëve të votimit për ato qendra votimi ku akoma nuk ka përfunduar. Çdo vonesë në këtë proces nga Grupet e Numërimit dhe Komisionet Zonal të Administrimit të Zgjedhjeve do të shoqërohet me sanksione administrative dhe penale nëse është rasti.  

Kanë vlerësimin pozitiv maksimal të KQZ-së të gjithë ata numërues dhe komisionerë që e kanë përmbyllur me sukses këtë proces të lodhshëm dhe stresues nga pikëpamja fizike dhe mendore.  

Ata pak numërues dhe komisionerë të cilët janë akoma në procesin e numërimit të fletëve të votimit e kanë mirëkuptimin e KQZ për ngarkesën që kanë dhe lodhjen e deritanishme, por nuk do të lejojmë që inxhinierohen vonesa të mëtejshme.  

Nga ana tjetër, në lidhje me fazën e nxjerrjes së kandidatëve fitues, bëj me dije që KQZ ka marrë të gjitha masat që ky proces të mos shndërrohet në pazar elektoral. Cilido numërues, apo komisionet që do të bëjë një vlerësim të fletës së votimit të ndryshme nga sa është përmbajtja e saj do të ketë përgjegjësi penale.  

KQZ disponon regjistrimet filmike të numërimit dhe vlerësimit të fletëve të votimit dhe t’ia japë këto subjekteve të interesuara.