Komisioni i Ankimimeve dhe Sanksioneve filloi shqyrtimin administrativ të kërkesave ankimore nr. 37, me objekt “Kundërshtimi i vendimit të KSHZ nr. 345, datë 04.05.2021 “Për miratimin e Tabelës Përmbledhëse për Rezultatin në zonën zgjedhore Qarku Vlorë”; Pavlefshmëria e zgjedhjeve të zhvilluara në datën 25.04.2021; Urdhërimin e përsëritjen e zgjedhjeve për Qarkun Vlorë” të subjektit ankues koalicioni PD-AN dhe kërkesës ankimore nr. 46, me objekt “Ndryshimin e vendimit të KSHZ nr. 340, datë 04.05.2021 “Për Miratimin e tabelës përmbledhëse për rezultatin e votimit, qarku Durrës; Rinumërim dhe rivlerësimin e votave për të gjitha ZAZ e qarkut Durrës” të subjektit ankues Partia Lëvizja Socialiste për Integrim;
Me shumicë votash, KAS vendosi mospranimin e kërkesës së subjektit ankimues koalicioni PD – AN për marrjen e provave apo informacioneve shtesë në institucionet dhe entet e tjera publike dhe me kërkesën e dy anëtarëve të KAS, në zbatim të neni 136 pika 3, do të administrohen si provë të dhënat e kryqëzuara nga paisjet e elektronike të identifikimit të zgjedhësve për Zonën Zgjedhore qarku Durrës.
Gjithashtu, KAS filloi shqyrtimin administrativ të kërkesës ankimore nr. 38, me objekt “Kundërshtimi i vendimit nr.342, datë 04.05.2021 “Për miratimin e Tabelës Përmbledhëse për Rezultatin në zonën zgjedhore Qarku Shkodër”; Pavlefshmëria e zgjedhjeve të zhvilluara në datën 25.04.2021; Urdhërimin e përsëritjen e zgjedhjeve për Qarkun Shkodër” me ankues koalicioni PD-AN.
Me shumicë votash, KAS vendosi mospranimin e kërkesës së subjektit ankimues koalicioni PD – AN për marrjen e provave apo informacioneve shtesë në institucionet dhe entet e tjera publike dhe me kërkesën e dy anëtarëve të KAS, në zbatim të neni 136 pika 3, do të administrohen si provë të dhënat e kryqëzuara nga paisjet e elektronike të identifikimit të zgjedhësve për Zonën Zgjedhore qarku Shkodër.
