Votimi elektronik, Celibashi: Pajisja ofron siguritë e nevojshme për garantimin e integritetit të votës.

03/04/2021 | Lajme

 Sot, Komisioni Qendror i Zgjedhjeve demonstroi pajisjen e votimit elektronik, pjesë e projektit pilot votimi dhe numërimi elektronik.

Qëllimi i simulimit të procedurës së votimit elektronik është njohja e zgjedhësve me procedurën e votimit dhe pajisjeve të votimit elektronik.

Komisioneri Shetëror i Zgjedhjeve, z. Ilirjan Celibashi tha se “Pajisja e demostruar i përmbush kriterët për lehtësinë në përdorim nga ana e zgjedhësve dhe ofron të gjitha siguritë dhe garancitë për integritetin e votës së çdo zgjedhësi”.

Të gjithë votuesit e Zonës së Administrimit Zgjedhor nr. 40, ku do të implementohet projekti pilot për zgjedhjet e datës 25 prill 2021, do të kenë mundësi që të bëhen pjesë e simulimit të procesit të votimit elektronik.

Simulimi i procesit të votimit elektronik po realizohet në shkollën “Qemal Stafa” dhe do të vijojë për 9 ditë me radhë sipas një kalendari të paracaktuar në ditë dhe orare të ndryshme, me synimin për të parandaluar grumbullimin e shumë personave, në respektim të masave anti Covid-19.

LajmeVotimi elektronik, Celibashi: Pajisja ofron siguritë e nevojshme për garantimin e integritetit të votës.