Komisioneri Shtetëror i Zgjedhjeve z. Ilirjan Celibashi u takua me Drejtorin e Përgjithshëm të Policisë së Shtetit, z. Gledis Nano dhe Zv.Drejtorin e Përgjithshëm z. Albert Dervishi për të diskutuar mbi masat që duhen ndërmarrë për mbarëvajtjen e procesit zgjedhor në 6 bashkitë Shkodër, Dibër, Durrës, Vorë, Rrogozhinë, Lushnje që mbahen në datën 6 Mars 2022.

Gjatë muajit Shkurt, Policia e Shtetit së bashku me Komisionin Qendror të Zgjedhjeve do të trajnojnë strukturat e policisë qendrore dhe vendore lidhur me detyrat e Policisë në shërbim të mirëadministrimit të qetë dhe të rregullt të këtyre zgjedhjeve. Komisioneri Celibashi shprehu vlerësim për profesionalizmin dhe seriozitetin e policisë së shtetit në këtë angazhim.

​