Komisioni Qendror i Zgjedhjeve mori pjesë në trajnimin e punonjësve të Policisë së Shtetit për zgjedhjet e pjesshme për kryetar bashkie, të datës 6 mars 2022. Trajnimi u organizua nga Drejtoria e Përgjithshme e Policisë së Shtetit me pjesëmarrjen e përfaqësuesve nga Prezenca e OSBE-së në Tiranë dhe Prokurorisë.

Në trajnim morën pjesë rreth 30 zëvendësdrejtorë të Drejtorive Vendore të Policisë në gjashtë bashkitë ku do të mbahen zgjedhjet, shefa të sektorëve të rendit dhe të komisariateve. Ata u trajnuan për rolin e policisë gjatë procesit zgjedhor, udhëzimin më të fundit të KQZ-së mbi rolin e policisë, veprat penale që lidhen me zgjedhjet, praktikat më të mira ndërkombëtare, si edhe rekomandimet e OSBE/ODIHR-it. Drejtuesit e policisë pjesëmarrës në trajnim, do të trajnojnë më pas punonjësit e policisë në drejtoritë përkatëse. ​