Komisioneri Shtetëror i Zgjedhjeve, z. Ilirjan Celibashi u takua me Delegacionin e ODIHR, të kryesuar nga z. Matteo Mecacci. Qëllimi i takimit ishte plotësimi i rekomandimeve OSBE/ODIHR mbi zgjedhjet, jo vetëm ato të 25 Prillit 2021, por edhe rekomandimet e mëparshme, të mbetura pa realizuara.

Komisioneri Celibashi shprehu mirënjohjen për rolin madhor të luajtur nga Misionet e ODIHR në vëzhgimin e zgjedhjeve në Shqipëri dhe përmirësimin e kuadrit ligjor të proceseve elektorale në vend.

Në takim, u diskutua gjithashtu mbi reformën e pritshme zgjedhore, realizimin e saj në kohë, përbërjen e administratës zgjedhore të niveleve të dyta dhe të treta, numërimin e votave dhe tabulimin e rezultateve, etj.

Drejtori i ODIHR, z. Mecacci përgëzoi Komisionin Qendror të Zgjedhjeve për administrimin zgjedhor dhe transparencën e treguar, si edhe uroi për vijimin në të njëjtën rrugë.