Anëtarët e organeve të KQZ-së, z. Ilirjan Rusmali, Z. Ledio Braho, Zj. Ilirjana Nano, zj. Helga Vukaj dhe Nënkomisionerja zj. Lealba Pelinku u takuan me e Delagacionin e Misionit të Vlerësimit të Nevojave (NAM), të OSBE/ODIHR-it, z. Alexey Gromov dhe z. Kakha Inaishvili.
Fokusi i bashkëbisedimeve ishin përgatitjet për procesin e zgjedhjeve për organet e qeverisjes vendore të datës 14 Maj 2023.
Delegacioni i OSBE/ODIHR ndodhet në vendin tonë me qëllim mbledhjen e informacionit mbi nevojat e vëzhgimit të procesit zgjedhor. Në përfundim të procesit të vlerësimit të nevojave për vëzhgim, do të dalë me një raport publik mbi nevojat për procesin.
