Komisioneri Shtetëror i Zgjedhjeve, z. Ilirjan Celibashi u takua me Znj. Gerta Meta, përfaqësuese e Shoqata për Kulturë Demokratike.

Takimi u zhvillua në kuadër të përgatitjeve për zgjedhjet për organet e qeverisjes vendore dhe u diskutua rëndësinë e bashkëpunimit të mëtejshëm me aktorët e shoqërisë civile, përfshirja e tyre në sesionet e edukimit të zgjedhësve, në depolitizimin e administratës zgjedhore, si edhe në aspekte të tjera të procesit zgjedhor.

Komisioneri bashkëbisedoi me zj. Meta gjithashtu lidhur me propozimet e bëra nga KQZ për administratën zgjedhore, çështje e cila mund të zgjidhet duke patur jo vetëm anëtarë të partive politike, por dhe anëtarë jopolitikë të rekrutuar nga KQZ, duke e kthyer në një proces që realizohet nga KQZ nga pikpamja teknike.

Përfaqësuesja e SHKD u ndal edhe në votimin e nga jashtë të shtetasve shqiptarë. Celibashi nënvizoi se garancitë kushtetuese lidhen vetëm me votën e emigrantëve dhe se vendimi i Gjykatës Kushtetuese nuk e pengon procesin e regjistrimit dhe vendbanimit të emigrantëve.  

Lidhur me listat e kandidatëve dhe anetarëve të këshillave bashkiake, Komisioneri tha se do të ketë më shumë eficensë me riorganizimin e një strukture të posaçme, si dhe gadishmërinë për publikimin e listave në kohë.