Komisioneri Shtetëror i Zgjedhjeve mikpriti sot në KQZ, Drejtuesin e Prezencës së OSBE në Shqipëri, Ambasadorin Bruce Berton me të cilin zhvilloi një bashkëbisedim të hapur mbi konkluzionet e procesit zgjedhor të 14 Majit 2023. Komisioneri Celibashi falenderoi Prezencën e OSBE në Tiranë për mbështetjen e vazhdueshme, si edhe për aktivitete të mundshme që përfshijnë nismat për votimin e diasporës dhe analizën e thelluar të administrimit të Zgjedhjeve Vendore 2023.

Celibashi kërkoi fokusin e Prezencës për t’i dhënë shtytje agjendës parlamentare për përmirësimin e Kodit Zgjedhor, sidomos depolitizimit të administratës zgjedhore të nivelit të ulët, si edhe ngritjen e Qendrës së Trajnimit Zgjedhor, si domosdoshmëri për rritjen e cilësisë së administrimit zgjedhor.

Ambasadori Berton ritheksoi se bashkëpunimi me KQZ do të vijojë i pandalshëm në të mirë të demokratizimit të mëtejshëm të vendit.