Komisioneri Shtetëror i Zgjedhjeve shqyrtoi sot administrativisht denoncimin e Organizatës “Qëndresa Qytetare”, për ndalim të aktivitetit të kandidatit të “Partisë Socialiste të Shqipërisë”, z. Albert Halilaj, për zgjedhjet e pjesshme për Kryetar të Bashkisë Kukës të datës 24 Shtator 2023.

Subjekti “Partia Socialiste e Shqipërisë” depozitoi në KQZ informacionin se koncerti i cituar në kërkesë nuk organizohet dhe nuk zhvillohet nga ky subjekt dhe kandidati z. Albert Halilaj.

Komisioneri vendosi pushimin e shqyrtimit administrativ dhe kjo veprimtari do të monitorohet.