DIL NGA PORTALIPër zgjedhjet për Kuvendin e Shqipërisë, shtetasit shqiptarë me të drejtë vote, të cilët kanë vendqëndrimin jashtë territorit të Republikës së Shqipërisë, mund të votojnë nga shteti ku ata kanë vendqëndrimin.
Për të votuar nga jashtë, ata duhet të regjistrohen në listën e zgjedhësve që votojnë nga jashtë vendit, nëpërmjet Platformës Elektronike të Regjistrimit (PER), të administruar nga Komisioni Qendror i Zgjedhjeve. Afatet, dokumentacioni dhe udhëzimet për regjistrimin publikohen nga KQZ-ja për procesin zgjedhor përkatës.
KQZ-ja u dërgon me postë zgjedhësve që figurojnë në listën përfundimtare të zgjedhësve jashtë vendit fletën e votimit dhe materialet udhëzuese, në adresën e deklaruar në PER.
Pasi merr dokumentacionin zgjedhor në adresën e kërkuar prej tij/saj, zgjedhësi plotëson fletën e votimit sipas udhëzimeve të KQZ-së dhe e dërgon atë në adresën e KQZ-së, në mënyrë që ajo të mbërrijë brenda afatit të përcaktuar për procesin zgjedhor përkatës.
Zgjedhjet për Kuvendin e Shqipërisë të datës 11 maj 2025 ishin zgjedhjet e para në të cilat votuan edhe zgjedhësit që kishin vendqëndrimin jashtë territorit të Republikës së Shqipërisë.
Statistika – Zgjedhjet 2025
Kliko këtu për të dhënat statistikore