Partia politike;
Koalicioni i partive politike;
Kandidati i propozuar nga zgjedhësit (për deputet)

Partia politike paraqet kërkesën për tu regjistruar si subjekt zgjedhor jo më vonë se 70 ditë përpara datës së zgjedhjeve. Kërkesa bëhet nëpërmjet Portalit Elektronik të Partive Politike (PEPP) ose paraqiten në protokollin e KQZ-së.

Kërkesa për regjistrim dhe shoqërohet me dokumentacionin përkatës sikurse përcaktohet në Kodin Zgjedhor dhe aktet e KQZ.

Koalicioni i partive politike paraqet kërkesën për tu regjistruar si subjekt zgjedhor jo më vonë se 60 ditë përpara datës së zgjedhjeve. Kërkesa paraqitet në KQZ dhe shoqërohet me dokumentacionin përkatës sikurse përcaktohet në Kodin Zgjedhor dhe aktet e KQZ.
Koalicioni i partive politike përbëhet nga dy ose më shumë parti të cilat janë regjistruar paraprakisht si subjekte zgjedhor nga KQZ.
Një grup prej 12 zgjedhësish, jo më vonë se 70 ditë përpara datës së zgjedhjeve, paraqesin në KQZ kërkesën për regjistrimin e një Komiteti Nismëtar, i cili më pas paraqet kërkesën për regjistrimin e një kandidati të mbështetur nga zgjedhësit (kandidat për deputet).
Për zgjedhjet për Kuvendin, jo më vonë se 50 ditë përpara datës së zgjedhjeve, partia politike, ose sipas rastit koalicioni i partive politike pasi janë regjistruar si subjekt zgjedhor, paraqesin në KQZ kërkesën për regjistrimin e listës shumemërore të kandidatëve për deputet sipas zonave zgjedhore (qarqeve), si dhe dokumentacionin e kandidimit.
Komiteti Nismëtar pasi është regjistruar në KQZ, paraqet kërkesën dhe dokumentacionin e kandidimit për regjistrimin e kandidatit për deputet. Në zgjedhjet për kuvend jo më vonë se 50 ditë përpara datës së zgjedhjeve, partia politike, ose sipas rastit koalicioni i partive politike pasi janë regjistruar si subjekt zgjedhor, paraqesin në KQZ, kërkesën dhe dokumentacionin e kandidimit për regjistrimin e listës shumemërore të kandidatëve për deputet.
Komiteti Nismëtar pasi është regjistruar në KQZ, paraqet kërkesën dhe dokumentacionin e kandidimit për regjistrimin e kandidatit për deputet jo më vonë se 50 ditë përpara datës së zgjedhjeve.
Për më shumë për rregullat për regjistrimin e subjekteve zgjedhore dhe kandidatëve kliko këtu.