Në zbatim të neneve 91, 92, të ligjit nr. 44/2015 “Kodi i Procedurave Administrative të Republikës së Shqipërisë”, ligjit nr. 152/2013 “Për nëpunësin civil”, i ndryshuar, vendimit nr. 242, datë 18.03.2015 të Këshillit të Ministrave “Për plotësimin e vendeve të lira në kategorinë e ulët dhe të mesme drejtuese”, i ndryshuar, dhe njoftimit për publikim nr. 6125, datë 19.09.2025, të listës paraprake të kandidatëve të kualifikuar për procedurën “Ngritje në detyrë” për pozicionin e punës Shef Sektori në Sektorin e Zhvillimit Digjital dhe Mirëmbajtjes, në Drejtorinë për Digjitalizimin dhe Infrastrukturën Zgjedhore për arsye objektive të Institucionit dhe për shkak të angazhimit të eprorit direkt të pozicionit, për të cilën zhvillohet konkurrimi, zj. Jona Josifi njësia përgjegjëse ju njofton:

- Shtyrjen e datës së zhvillimit të konkurrimit-testimit, për vendin e lirë të punës Shef Sektori në Sektorin e Zhvillimit Digjital dhe Mirëmbajtjes në Drejtorinë për Digjitalizimin dhe Infrastrukturën Zgjedhore. ditën e mërkurë, më datë 08.10.2025, ora 10:00.

- Njoftimin e kandidatëve të kualifikuar për procedurën ”Ngritje në Detyrë”.

Për sqarime të mëtejshme, mund të kontaktoni në adresën e Komisionit Qendror të Zgjedhjeve, rruga “Ibrahim Rugova”, Nr. 4, Tiranë, si dhe të konsultoni faqen zyrtare në internet www.kqz.gov.al.

Drejtoria e Koordinimit dhe Administrimit të Burimeve Njerëzore