Sot, Komisioni i Ankimimeve dhe Sanksioneve shqyrtoi kërkesën ankimore nr. 16 depozituar nga Koalicioni Partia Demokratike – Aleanca për Shqipërinë Madhështore, me objekt “Shfuqizimin e vendmineve nr. 794, nr. 795, nr. 798 dhe nr. 799, datë 05.05.2025, të Komisionerit Shtetëror të Zgjedhjeve për mbylljen e zyrave zgjedhore dhe/ose heqjen e materialeve propagandistike të subjektit zgjedhor Partia Demokratike - Aleanca për Shqipërinë Madhështore sipas raportit të monitoruesve për periudhën 30 prill- 4 maj”.

Në përfundim të seancës KAS vendosi rrëzimin e kërkesës ankimore.

KAS shqyrtoi edhe kërkesën ankimore nr. 19, datë 08.05.2025, me ankues “Partia Socialiste e Shqipërisë” dhe objekt ankimi “Kundërshtim i vendimit të KSHZ nr. 876, datë 07.05.2025”.

KAS pranoi pjesërisht kërkesën dhe vendosi shfuqizimin e pikës nr. 1, të vendimit të Komisionerit Shtetëror të Zgjedhjeve, për masën administrative gjobë në vlerën 100 000 lekë, për subjekin zgjedhor Partia Socialiste e Shqipërisë, si edhe lënien në fuqi të pjesës tjetër të vendimit.

Gjithashtu, shqyrtuan kërkesën ankimore nr. 20, datë 09.05.2025, me ankues Partia Demokratike - Aleanca për Shqipërine Madhështore, me objekt ankimi “Shfuqizimin e vendimeve të Komisionerit Shtetëror të Zgjedhjeve Nr. 865, Nr. 867, Nr. 869, Nr. 871, Nr. 874”;

Në përfundim të seancës KAS pranoi kërkesën sa i takon vendimit nr. 865, datë 07.05.2025 të KSHZ dhe ndryshimin e pikës 1 të tij, sipas kësaj përmbajtje: “Urdhërimin e policisë bashkiake Shkodër për heqjen e menjëhershmë të materialeve propagandistike të subjektit zgjedhor PD- ASHM”. Ndërkohë vendosi rrëzimin e kërkesës për vendimet nr. 867, 869, 871 dhe 874, të datës 07.05.2025, të Komisionerit Shtetëror të Zgjedhjeve.