Komisioni i Ankimimeve dhe Sanksioneve shqyrtoi kërkesën ankimore nr. 22, datë 12.05.2025, të depozituar nga subjekti zgjedhor “Partia Socialiste e Shqipërisë”, me objekt “Shfuqizimin e aktit nr. 1121, date 12.05.2025 të KSHZ, si absolutisht te pavlefshëm, të nxjerrë në kundërshtim me ligjin”.

Në përfundim të shqyrtimit, KAS me shumicë votash vendosi pranimin e kërkesës ankimore dhe konstatimin e pavlefshmërisë absolute të vendimit nr. 1121, datë 12.05.2025, të Komisionerit Shtetëror të Zgjedhjeve, në lidhje me administrimin e zarfit “B”, pjesë përbërëse e dokumentacionit të votimit nga jashtë, në rastin kur ai nuk vlerësohet nga GNVJ dhe KANVVJ.