Sot, Komisioni i Ankimimeve dhe Sanksioneve shqyrtoi kërkesat ankimore nr. 9 me objekt “Ankim kundër vendimit nr. 481 datë 11.04.2025, të KSHZ për pushimin e hetimit administrativ për denoncimin nr. 52 me denoncues KSHH dhe të denoncuar Bashkia Durrës” dhe nr. 10, me objekt “Ankim kundër vendimit nr. 482 datë 11.04.2025 të KSHZ, për pushimin e hetimit administrativ për denoncimin nr. 51 me denoncues KSHH dhe të denoncuar Bashkia Tiranë”.

Në përfundim të shqyrtimit, KAS vendosi rrëzimin e kërkesave ankimore.

U shqyrtua në seancë publike kërkesa e Komisionerit Shtetëror të Zgjedhjeve me nr. 3 dhe objekt “Propozim për vendosje sanksioni administrativ, në zbatim të vendimit nr. 448, datë 08.04.2025, "Për shqyrtimin administrative bazuar në denoncimin nr.24 ID, datë 21.02.2025, të regjistrit të denoncimeve, te Koalicioni Për Reforma, Integrim dhe Institucione të Konsoliduara/KRIIK”.

Në përfundim, KAS pranoi kërkesën e KSHZ, rikualifikoi referencën ligjore për shkeljen, në bazë të nenit 171, pika 1, të Kodit Zgjedhor dhe vendosi sanksionin administrativ në masën 3 000 lekë, ndaj Sekretarit të Përgjithshëm të Bashkisë Tiranë, në detyrë në kohën kur është kryer shkelja.

Gjithashtu, u shqyrtua edhe kërkesa nr. 4 e Komisionerit Shtetëror të Zgjedhjeve regjistruar me objekt “Propozim për vendosje sanksioni administrativ, në zbatim të vendimit nr. 438, datë 08.04.2025 “Për shqyrtimin administrativ bazuar në denoncimin nr. 55 ID, datë 28.02.2025, të regjistrit të denoncimeve, të Qendrës" Qëndresa Qytetare".

KAS pranoi kërkesën e KSHZ, rikualifikoi referencën ligjore për shkeljen, në bazë të nenit 171, pika 1, të Kodit Zgjedhor dhe vendosi sanksionin administrativ në masën 3 000 lekë, ndaj Sekretarit të Përgjithshëm të Bashkisë Tiranë, në detyrë në kohën kur është kryer shkelja.