Me mbylljen e vlerësimit dhye numërimit të votave nga jashtë, Komisioneri Shtetëror i Zgjedhjeve përmblodhi ecurinë e procesit të votimit nga jashtë përmes përcjelljes së të dhënave dhe statistikave:

Të dhëna për regjistrimin:

• Rreth 339,893 zgjedhës krijuan profil në PER;
• Rreth 294.155 zgjedhës dërguan kërkesë për regjistrim;
• Mesatarisht 6618 kërkesa për regjistrim u procesuan në ditë nga KQZ;
• 2 Marsi shënoi ditën me numrin më të lartë të kërkesave: 16,302;
• 245,935 shtetasve iu miratua kërkesa për të votuar nga jashtë;
• Shqiptarët e diasporës u regjistruan nga rreth 85 shtete të botës, nga çdo kontinent.

Dërgimi i fletëve të votimit tek shqiptarët jashtë vendit:

• Dritat në Parkun Olimpik u ndezën në datën 10 Prill, po ashtu edhe kamerat;
• Dokumentacioni zgjedhor u përgatit për 7 ditë;
• Në 17 Prill u pritën votat e para të kthyera në KQZ;
• 245,935 dokumentacione zgjedhor/zarfe të postuar tek zgjedhësi;
• Nuk u dërgua dot dokumentacioni zgjedhor vetëm në Rusi për shkak të saksioneve ndërkombëtare (16 zgjedhës, kryesisht në Moskë);
• 29 Prilli ishte dita me numrin më të madh të votave të mbërritura: 26.650;
• 10.156 nuk ju ka mbërritur dokumentacioni zgjedhor për shkak gabimeve absolute në adresa (adresa të cilësuara si “Absolute Bad Address”);
• 227,097 Dokumentacione zgjedhor/zarfe të marra nga zgjedhësit (92%);
• 202,309 Dokumentacione zgjedhor/zarfe të mbërritur në KQZ (82.2% pjesemarrja);
• 15.250 zarfe janë kthyer mbrapsht nga DHL deri më tani (ato të cilat nuk mbërritën tek zgjedhësit) nga 18.838 zarfe.

Vlerësim/numërim i VJ:

• Zgjati 8 ditë;
• 14 Kuti Votimi të Posaçme (1 për çdo qark dhe 2 për Tiranën);
• 945 Kuti Votimi ‘A’/’të rregullta’;
• 202,187 Dokumentacion zgjedhor/zarfe të vlerësuar nga GNVVJ;
• Qarku i parë që nisi numërimin: Korça;
• Qarku i parë që përfundoi numeëimin: Kukësi;

Burimet njerëzore të angazhuara në VJ:

1. Faza e regjistrimit: 42 persona (staf KQZ);
2. Faza e vulosjes së fletëve të votimit dhe pergatitja e setit në zarfin A dhe B: 54 persona të angazhuar (staf KQZ);
3. Faza e përgatitjes së dërgesave: 340 persona të angazhuar; (staf KQZ + DHL në 3 turne)
4. Faza e pritjes së zarfeve me fletë votimi: 50 persona; (staf KQZ);
5. Vlerësim e numërim: 200 persona (KANVVJ + GNVJ + KQZ në 2 turne);
6. Rreth 680 personel i angazhuar në 6 muajt e fundit.

Shtetet ku fushata edukuese për VJ pati shikueshmërinë më të madhe:

• Itali
• Greqi
• Gjermani
• Shtetet e Bashkura të Amerikes
• Mbretëria e Bashkuar

Këto shtete përbëjnë 80% të totalit të klikimeve të fushatës edukuese/informuese. Pasditja ishte koha kur shikueshmëria dhe klikimet ishin më të medha.

1. Në Facebook dhe Instagram (META) pati 7,176,000 klikime e cila përkthehet në rreth 1.596,400 përdorues unikë.
2. Google Ads: 9,596,000 klikime.

Siguria kibernetike

Plartfomat e KQZ, duke filluar që nga PER janë gjendur nën sulme kibernetike. Kemi komunikuar me institucionet përkatëse të sigurisë kibernetike por edhe ato që ndjekin ligjërisht këto raste.

• 192 milionë kërkesa janë regjistruar në 7 ditë.
• mbi 5,700 kërkesa për sekondë.
• Pjesa më e madhe e sulmeve nuk kanë qenë sulme diletantësh por të organizuara/sofistikuara dhe jo rastësore
• Të gjithë sulmet nga jashtë Shqipërisë dhe kanë qenë të krahasueshme me sulmet që ka patur në situata të ngjashme vendet si Estonia, Franca, Gjermania.

Celibashi siguroi se nuk ka pasur asnjë implikim në sistemet, platformat apo faqen zyrtare të KSHZ-së, dhe për këtë janë dëshmitarë mediat, subjektet dhe publiku, pasi nuk ka pasur asnjë moment shkëputjeje apo ndërprerjeje të aksesueshmërisë në platforma apo në faqen zyrtare.

KSHZ shprehu mirënjohjen për të gjithë komisionerët e angazhuar në vlerësimin dhe numërimin e votave nga jashtë, për punën, angazhimin, përgjegjësinë dhe maturinë e treguar gjatë këtij procesi.

Ai shtoi se administrimi i këtij procesi nga Komisioni Qendror i Zgjedhjeve është model në çdo pikëpamje. Por, duke thënë këtë, ai theksoi se nuk dekurajon askënd dhe vlerëson çdo person që dëshiron të kontestojë apo të ngrejë shqetësime mbi këtë proces. Kemi në dispozicion të gjithë dokumentacionin që dëshmon se gjithçka që ka qenë në përgjegjësinë e KSHZ-së është administruar me standard të plotë dhe me integritet të garantuar.

Celibashi u shpreh se KQZ është e gatshme të japë prova dhe përgjigje për çdo lloj kërkese apo pretendimi që lidhet me çdo aspekt që ka qenë nën autoritetin dhe përgjegjësinë e saj.

Sa i përket pretendimeve për mënyrën se si operatori i shërbimit postar e ka kryer shërbimin, ai u shpreh mbështetës i shqyrtimit dhe vlerësimit të çdo pretendimi që lidhet me rregullsinë e operimit të këtij operatori.

Celibashi: I kemi kërkuar operatorit të na vërë në dispozicion gjithë dokumentacionin që mendohet apo besohet se tregon se si është realizuar operacioni i shpërndarjes së fletëve të votimit dhe dokumentacionit zgjedhor tek të gjithë zgjedhësit kudo në botë, përfshirë edhe Greqinë. Ky dokumentacion do t’u vihet në dispozicion të gjitha palëve të interesuara, përfshirë subjektet politike, dhe do të jetë në vlerësimin e gjithsecilit për të nxjerrë konkluzione.

Është me rëndësi të theksohet se procesi i përgatitjes së dokumentacionit zgjedhor dhe dorëzimi i tij tek operatori i shërbimit postar është një proces që garanton 100% integritet. Kjo vlen edhe për rastin e kthimit të dokumentacionit zgjedhor në KQZ. I gjithë ky segment është zhvilluar nën mbikëqyrjen e plotë të përfaqësuesve të partive politike, të shoqërisë civile dhe të medias. Ka qenë një proces i monitoruar dhe i vëzhguar me kamera 24/7 dhe, për këtë arsye, theksoj me siguri të plotë se çdo gjë ka shkuar ashtu siç duhej dhe siç është përcaktuar. Nuk ka pasur as vota të shtuara, as vota të trafikuara.

KSHZ shtoi se mbetet për t’u vlerësuar se sa është respektuar integriteti i votës së qytetarëve në procesin e marrjes dhe kthimit të fletëve të votimit nëpërmjet shërbimit postar.

Komisioneri ritheksoi se nuk mund të bëjë komente mbi shërbimin postar, pasi do të vlerësohet kontrata dhe, si në çdo marrëdhënie kontraktuale, duhet të ulen dhe të bisedojnë me operatorin e shërbimit postar për të analizuar në çfarë mase dhe cilësie është kryer shërbimi i kërkuar. Konkluzionet e këtij vlerësimi do të bëhen publike për të gjitha palët e interesuara.

Lidhur me interesin e gazetarëve mbi pretendimet për fenomenin e ashtuquajtur “Treni Bullgar”, Komisioneri u shpreh se këto pretendime duhet patjetër të hetohen nga organet e hetimit penal.