Komisioneri Shtetëror i Zgjedhjeve shqyrtoi rezultatet e verifikimit të Prokurorit të Përgjithshëm për dy kandidatët për deputet të propozuara nga Parta “Mundësia” në qarkun Tiranë, për zgjedhjet e datës 11 maj 2025.

Referuar të dhënave të disponuara, KSHZ konstatoi se kandidatët z. Altin Muceku dhe zj. Adela Qemali nuk përfshihen në kushtet e ndalimit për të ushtruar funksionin publik të deputetit.

Në seancën e sotme, u vendos dhënia e mandatit të deputetit të Kuvendit të Republikës së Shqipërisë, kandidatit të radhës në listën shumemërore të Partisë Socialiste të Shqipërisë, në zonën zgjedhore, qarku Vlorë, zj. Briseida Çakërri.

Gjithashtu, u plotësuan vakancat e krijuara në 3 këshilla bashkiak:

1. Këshilli i Bashkisë Delvinë, me kandidatin nga lista shumemërore e “Partisë Socialiste të Shqipërisë”, zj. Natasha Xhelili;
2. Këshilli i Bashkisë Shkodër, me kandidatin nga lista shumemërore e “Partisë Socialdemokrate”, z. Sead Jusha;
3. Këshilli i Bashkisë Elbasan, me kandidatin nga lista shumemërore e Koalicionit “Bashkë Fitojmë”, zj. Erjona Jaurri.