Sot, Komisioneri Shtetëror i Zgjedhjeve shpalli vendimet për shqyrtimet administrative të denoncimeve 24 ID, të Koalicionit për Reforma Integrim dhe Institucione të Konsoliduara, nr. 55 ID, të Organizatës "Qëndresa Qytetare”, nr. 31 ID dhe nr. 34 ID të Partisë Demokratike.

KSHZ vendosi:

- T’i propozojë Komisionit të Ankimimeve dhe Sanksioneve marrjen e masës administrative ndaj Sekretarit të Përgjithshëm i Bashkisë Tiranë dhe pushimin e shqyrtimit administrativ ndaj Drejtor i Përgjithshëm i Administratës së Kopshteve dhe Çerdheve, Bashkia Tiranë.

- Pushimin e shqyrtimit administrativ ndaj Sekretar i Përgjithshëm i Këshillit të Ministrave, Kryetarit të Këshillit të Bashkisë Fier, Sekretar i Këshillit të Bashkisë Fier dhe Kryetarit të komanduar të Bashkisë Tiranë.

U vendos dhënia e autorizimit KZAZ-së nr. 74 për krijimin e Komisionit të Qendrës së Votimit të Posaçme nr. 3707/01, pranë IEVP Drenovë, Korçë dhe KZAZ-së nr. 23 për krijimin e Komisionit të Qendrës së Votimit të Posaçme nr. 1422/02, pranë IEVP Durrës.

U vlerësuan edhe raportet e monitoruesve të fushatës zgjedhore për periudhën e monitorimit 31 mars – 6 prill 2025. Për këtë periudhë janë dorëzuar gjithsej 96 raporte monitorimi dhe janë evidentuar 77 aktivitete nga partitë politike dhe 8 zyra zgjedhore të hapura për zhvillimin e aktiviteteve përgatitore të fushatës zgjedhore. Monitoruesit kanë dorëzuar 8 raporte shkeljesh nga subjektet zgjedhore për vendosje të materialeve propagandistike në shkelje me dispozitave të Kodit Zgjedhor dhe akteve të KQZ-së në fuqi ndërsa 1 shkelje është denoncuar nga Partia Demokratike. Komisioneri i’u dha 72 orë kohë subjekteve zgjedhore për heqjen e këtyre materialeve propagandistike.

U vlerësua raporti mbi veprimtaritë publike për periudhën 30 mars– 5 prill 2025 dhe u vendos fillimi i shqyrtimit administrativ ndaj bashkive Peqin dhe Has.

Gjithashtu, në përfundim të shqyrtimit administrative të denoncimeve me nr. 44 ID, nr. 46 ID, dhe nr. 48 ID, të Partisë Demokratike u vendos pushimi hetimit administrative ndaj Kryetarit dhe Sekretarit të Këshillit të Bashkisë Klos dhe ndaj Sekretari i Përgjithshëm i Këshillit të Ministrave.

Sa i përket, denoncimeve me nr. 45 ID, të Partisë Demokratike, nr. 51 ID dhe nr. 52 ID të Komitetit Shqiptar të Helsinkit, vendimmarrja do të shpallet në seancën e radhës.

Sa i përket denoncimeve të Partisë Demokratike me nr. 32 ID, nr. 33 ID, nr. 36 ID, dhe nr. 41 ID, u vendos pushimi i shqyrtimit administrativ ndaj:

1. kryetarëve të bashkive Fier, Roskovec, Himarë;
2. Zv/ Kryeministrit, Ministrit të Energjisë dhe Infrastrukturës;
3. Ministrit të Arsimit dhe Sportit, Ministrit të Turizmit dhe Mjedisit;
4. Zv. Kryetarit të Kuvendit;
5. Sekretari i Përgjithshëm i Këshillit të Ministrave;
6. Ministrit të Ekonomisë, Kulturës dhe Inovacionit.

Në seancën e sotme u miratuan edhe rregullat dhe kriteret e ndarjes së hapësirave reklamuese zgjedhore në billboarde dhe city lights në mënyrë të barabartë për të gjitha subjektet zgjedhore.