Komisioneri Shtetëror i Zgjedhjeve në seancën e sotme publike shqyrtoi kërkesën e partisë “Partia Lëvizja e Legalitetit”, me Kryetar z. Shpëtim Axhani, për regjistrimin si subjekt zgjedhor në zgjedhjet e pjesshme vendore për kryetar bashkie, për disa njësi të qeverisjes vendore, të datës 9 nëntor 2025. KSHZ vendosi registrimin e PLL si subject zgjedhor.

Gjithashtu, shqyrtoi dy kërkesa për regjistrim të komiteteve nismëtare për zgjedhjet e pjesshme në pesë bashki. KSHZ vendosi regjistrimin e:

1. Komitetit Nismëtar që do të organizojë punën për paraqitjen e z. Dionis Sota, si kandidat i propozuar nga zgjedhësit në zonën zgjedhore Bashkia Vlorë.
2. Komitetit Nismëtar që do organizojë punën për paraqitjen e z. Pavlo Shkarpa, si kandidat, i propozuar nga zgjedhësit në zonën zgjedhore Bashkia Berat.