Z. Ilirjan Celibashi u zgjodh si Komisioner Shtetëror i Zgjedhjeve në datë 05.10.2020.
Zgjedhja e tij në këtë detyrë vjen pas një eksperience të gjatë e të spikatur në fushën e të drejtës, si si funksionar i lartë publik, po ashtu edhe si avokat.
Menjëherë pas diplomimit të tij Jurist në vitin 1992 në Universitetin e Tiranës, z. Celibashi u emërua fillimisht Gjyqtar në Gjykatën e Rrethit Fier, e më pas Kryetar i Gjykatës së Shkallës së Parë, Mallakastër. Prej vitit 1998 deri në vitin 2001 ai ka shërbyer si Gjyqtar pranë Gjykatës së Apelit, Durrës.
Në vitin 1998 ka ushtruar për disa muaj funksionin si Zëvendësministër i Rendit Publik.
Në periudhën 2001 - 2006, ai ishte Kryetar i Komisionit Qendror të Zgjedhjeve. Nën drejtimin e z. Ilirjan Celibashi, KQZ përgatiti dhe administroi Zgjedhjet për Kuvendin e Shqipërisë të vitit 2001 dhe 2005, si dhe Zgjedhjet për Organet e Qeverisjes Vendore të vitit 2003. Pas mbarimit të mandatit si kryetar i KQZ deri në vitin 2013 ai ushtroi profesionin e avokatit
Në zgjedhjet e përgjithshme për Kuvendin e Shqipërisë, të 23 qershorit 2013, z. Celibashi u zgjodh deputet i Kuvendit të Shqipërisë për Qarkun e Fierit, dhe po këtë vit ai zgjidhet Ministër Shteti për Marrëdhëniet me Parlamentin i Shqipërisë, detyrë që e mbajti deri me 01.08.2014 për tju rikthyer profesionit të avokatit.
Zoti Celibashi lindi më 2 tetor 1969, në Çorovodë, Skrapar. Ai është i martuar dhe ka një vajzë.