Zoti Arben Ristani, vendimin nr. 87, datë 06.11.2025, u zgjodh Anëtar i Komisionit Rregullator në Komisionin Qendror të Zgjedhjeve, pas një përvoje të gjatë dhe të konsoliduar profesionale në fushën e Drejtësisë.

Karriera e tij ka nisur menjëherë pas përfundimit të studimeve universitare në Drejtësi në Fakultetin Juridik, të Universitetit të Tiranës,  në vitin 1992 si gjyqtar në Gjykatën e Shkallës së Parë Tiranë. 

Nga viti 1994 deri në 2002 ka ushtruar profesionin e avokatit. Në vitet 2002-2003 ka ushtruar detyrën e Këshilltarit Juridik pranë Presidentit të Republikës së Shqipërisë.

Me vendimin nr. 54, datë 28.07.2006, të Kuvendit të Shqipërisë, z. Ristani u zgjodh Anëtar i Komisionit Qendror të Zgjedhjeve, ndërsa në vitin 2008 u emërua Drejtor i Shkollës së Magjistraturës.

Më pas, me vendimin nr. 235, datë 02.02.2009, të Kuvendit të Shqipërisë, z. Ristani u zgjodh Kryetar i Komisionit Qendror të Zgjedhjeve.

Z. Ristani në periudhën 2012-2013 ka ushtruar detyrën e Zëvendësministër të Brendshëm dhe përgjatë viteve 2013–2017, është zgjedhur deputet në Kuvendin e Republikës së Shqipërisë.

Me përvojën e tij të gjatë institucionale dhe kontributin e vazhdueshëm në shërbim të shtetit të së drejtës dhe të proceseve demokratike, z. Arben Ristani ka dhënë një kontribut të rëndësishëm në jetën publike dhe institucionale të vendit.