KQZ

Ditën e zgjedhjeve paraqituni në qendrën tuaj të votimit nga ora 07:00 deri në ora 19:00. Ju mund të gjeni qendrën tuaj të votimit këtu. 
Siguroheni që të keni me vete një dokument identifikimi, (letërnjoftim, ose pasaportë biometrike), të cilin e paraqesni përpara Komisionit të Qendrës së Votimit.
Komisioni i Qendrës së Votimit verifikon identitetin tuaj dhe më pas ju vendosni gishtin e madh të dorës së majtë në pajisjen eletronike të identifikimit.  
Një anëtar i Komisionit të Qendrës së Votimit timbron me një bojë të posaçme gishtin e madh të dorës tuaj të majtë.
Komisioni i Qendrës së Votimit do t’ju pajisë me fletën e votimit.
Hyni i vetëm në dhomën e fshehtësisë. 
Në fletën e votimit ju do të shënoni me shenjën “x” ose “+” në kuadratin bosh përbri partisë politike, koalicionit apo kandidatit të mbështetur nga zgjedhësit, që ju dëshironi.
Më pas palosni fletën e votimit, në mënyrë që shenja “x” ose “+” të mos jenë të dukshme dhe të paktën një nga vulat në pjesën e pasme të fletës së votimit të jetë e dukshme. 
Dilni nga dhoma e fshehtësisë dhe hidhni fletën e votimit në kutinë e votimit.  
Votimi juaj tashmë ka përfunduar dhe ju largoheni nga qendra e votimit.

Legjislacion

Transparenca

Subjekt Zgjedhor