• Në Republikën e Shqipërisë kanë të drejtë vëzhgojnë të gjitha llojet e zgjedhjeve, organizatat joqeveritare shqiptare dhe të huaja, organizatat ndërkombëtare të specializuara ose të angazhuara në mirëqeverisjen dhe demokratizimin, përfaqësuesit e shteteve të huaja dhe të medias.

• Kërkesat e vëzhguesve shqiptarë për akreditim i paraqiten KQZ-së jo më vonë se 15 ditë para datës së zgjedhjeve.

• Kërkesat e vëzhguesve ndërkombëtar për akreditim i paraqiten KQZ-së jo më vonë se 72 orë para datës së zgjedhjeve.

• Çdo organizatë joqeveritare e huaj, si dhe organizatat ndërkombëtare nuk mund të kenë në të njëjtën kohë më shumë se dy vëzhgues të huaj në një qendër votimi.

• Akreditimi i vëzhguesve pranë komisioneve zgjedhore bëhet mbi bazën e të dhënave vetjake të çdo vëzhguesi.

• Vëzhguesit kanë të drejtën për vëzhgim në të gjitha nivelet e komisioneve zgjedhore sipas autorizimit përkatës të lëshuar nga KQZ, ose sipas rastit nga KZAZ.

• Dokumenti i autorizimit për vëzhgim është i vlefshëm kur shoqërohet me një dokument identifikimi.

Për më shumë mbi rregullat e vëzhgimit kliko këtu 

Për të shkarkuar formularët e kërkesës për vëzhgim kliko këtu 

manuali

Ky është portali për regjistrimin online të vëzhguesve jopartiak të zgjedhjeve.  

Për të paraqitur kërkesën për akreditimin e vëzhguesve ju fillimisht duhet të krijoni një llogari të organizatës/institucionit tuaj në këtë portal.  

Aplikimi për të marrë akreditimin për secilin nga vëzhguesit e organizatës/institucionit tuaj do të bëhet vetëm pasi KQZ të pranojë kërkesën për hapjen e llogarisë tuaj në portal.  

KQZ, do të pranojë kërkesën tuaj për hapjen e llogarisë në këtë portal vetëm nëse organizata/institucioni që ju përfaqësoni plotëson kushtet për të qënë vëzhgues i zgjedhjeve. Përndryshe kërkesa juaj do të refuzohet.  

Vendimi përkatës i KQZ do t’ju njoftohet në adresën e-mail që ju keni deklaruar gjatë aplikimit për krijimin e llogarisë.  

Për çdo problem teknik kontaktoni ne [email protected]  

LIGJ Nr. 10 019, datë 29.12.2008

KODI ZGJEDHOR I REPUBLIKËS SË SHQIPËRISË

(Ndryshuar me ligjet nr.74/2012, datë 19.07.2012 , nr. 31/2015, datë 02.04.2015, nr. 101/2020, datë 23.7.2020, nr. 118/2020, datë 5.10.2020)

Neni 6

E drejta për të caktuar vëzhgues

(Ndryshuar pika 1 dhe 4 dhe shfuqizuar pika 3, me ligjin nr.74/2012, datë 19.07.2012, zëvendësuar fjalë në fjalinë e parë të pikës 1 , ndryshuar fjalë në pikën 6 me ligjin nr. 118/2020, datë 5.10.2020)

1. Çdo subjekt zgjedhor, ka të drejtë të caktojë nga një vëzhgues në KZAZ, në KQV dhe për çdo tavolinë në Vendin e Numërimit të Votave pas regjistrimit të kandidatit/kandidatëve për zonën zgjedhore përkatëse ose pasi ka paraqitur listë shumemërore. Në rast se partitë politike paraqiten në zgjedhje si koalicion, të drejtën për të caktuar vëzhgues e ka vetëm Koalicioni mund të caktojë jo më shumë se tre përfaqësues për koalicion. Kandidatët e partive politike nuk kanë të drejtë të caktojnë vëzhgues.
2. Organizatat joqeveritare shqiptare dhe të huaja, si dhe organizatat ndërkombëtare të specializuara ose të angazhuara në mirëqeverisjen dhe demokratizimin, përfaqësuesit e shteteve të huaja dhe të medias kanë të drejtë të dërgojnë vëzhgues në zgjedhje.
3. Shfuqizuar
4. Akreditimi i vëzhguesve pranë komisioneve zgjedhore bëhet mbi bazën e të dhënave vetjake të çdo vëzhguesi. Akreditimi mund të përfshijë një ose më shumë qendra votimi ose një apo më shumë zona Një organizatë joqeveritare shqiptare apo koalicion i tillë, parti politike ose kandidat i propozuar nga zgjedhësit nuk mund të ketë në të njëjtën kohë më shumë se një vëzhgues të pranishëm në një qendër votimi. Çdo organizatë joqeveritare e huaj, si dhe organizatat ndërkombëtare nuk mund të kenë në të njëjtën kohë më shumë se dy vëzhgues të huaj në një qendër votimi. Në rast se partitë politike paraqiten në zgjedhje si koalicion, të drejtën për të caktuar vëzhgues e ka vetëm koalicioni. Koalicioni mund të caktojë jo më shumë se tre përfaqësues për koalicion.
5. Kërkesat e vëzhguesve shqiptarë për akreditim i paraqiten KQZ-së jo më vonë se 15 ditë para datës së KQZ-ja miraton kërkesat jo më vonë se 5 ditë nga paraqitja e tyre. Kërkesat e vëzhguesve të huaj paraqiten në KQZ jo më vonë se 72 orë para datës së zgjedhjeve. KQZ-ja miraton kërkesat e vëzhguesve të huaj brenda 24 orëve nga paraqitja e tyre. Ndaj refuzimit ose mosdhënies së akreditimit mund të bëhet ankim, sipas procedurave të këtij Kodi.
6. KQZ-ja ka të drejtë, me udhëzim të veçantë, t’u delegojë KZAZ-ve kompetencën e akreditimit të vëzhguesve, sipas pikës 1 të këtij neni.

Ky është portali për regjistrimin online të vëzhguesve jopartiak të zgjedhjeve.  

Për të paraqitur kërkesën për akreditimin e vëzhguesve ju fillimisht duhet të krijoni një llogari të organizatës/institucionit tuaj në këtë portal.  

 Aplikimi për të marrë akreditimin për secilin nga vëzhguesit e organizatës/institucionit tuaj do të bëhet vetëm pasi KQZ të pranojë kërkesën për hapjen e llogarisë tuaj në portal.  

KQZ, do të pranojë kërkesën tuaj për hapjen e llogarisë në këtë portal vetëm nëse organizata/institucioni që ju përfaqësoni plotëson kushtet për të qënë vëzhgues i zgjedhjeve. Përndryshe kërkesa juaj do të refuzohet.  

Vendimi përkatës i KQZ do t’ju njoftohet në adresën e-mail që ju keni deklaruar gjatë aplikimit për krijimin e llogarisë.  

Për çdo problem teknik kontaktoni ne [email protected]