Komisioni i Ankimimeve dhe Sanksioneve vijoi shqyrtimin e kërkesës ankimore nr. 39, datë 27.05.2025, depozituar nga Koalicioni Partia Demokratike – Aleanca për Shqipërinë Madhështore, me objekt: “1. Kundërshtimi i Vendimit Nr. 1316, datë 23.05.2025 - të KSHZ - "Për miratimin e Tabelës Përmbledhëse të Rezultatit të votimit në zonën zgjedhore Qarku Vlorë, për subjektet zgjedhore dhe kandidatët për deputetë në zgjedhjet për Kuvendin të datës 11 maj 2025”. 2. Pavlefshmëria e zgjedhjeve të zhvilluara në datën 11 maj 2025 në zonën zgjedhore Qarku – Vlorë. 3. Zgjidhjen e pasojave duke urdhëruar përsëritjen e zgjedhjeve për Kuvendin e Shqipërisë në të gjithë zonën zgjedhore Qarku Vlorë” dhe kërkesës ankimore nr. 43, datë 29.05.2025, depozituar nga Koalicioni Shqipëria Bëhet, me objekt: “1. Kundërshtimi i vendimit nr. 1316, datë 23.05.2025 të KSHZ "Për miratimin e Tabelës Përmbledhëse të Rezultatit të votimit në zonën zgjedhore Qarku Vlorë, për subjektet zgjedhore dhe kandidatët për deputetë në zgjedhjet për Kuvendin të datës 11 maj 2025. 2. Rinumërimi i votave për këtë qark”.

Sot, u verifikuan fletët e votimit të papërdorura në 4 kuti të materialeve zgjedhore të QV-ve nr. 4515/00 të KZAZ 84, nr. 4715/00 të KZAZ 92, nr. 4664/1 të KZAZ 91, nr. 4528/00 të KZAZ 88.

Bazuar në nenin 136, pika 3 e Kodit Zgjedhor, anëtarët z. Elvis Çefa dhe z. Ledio Braho kërkuan që të verifikohen edhe fletët e votimit të papërdorura në 228 QV e tjera të të gjitha qarqve ku grupet e numërimit kanë shënuar me 0 ose nuk kanë shënuar numrin e fletëve të papërdorura në procesverbale. Procesi i verifikimit do të kryhet në ambientet e KQZ-së në Vaqarr nën mbikëqyrjen e vëzhguesve të subjekteve zgjedhore.

KAS përfundoi shqyrtimin e kërkesës ankimore nr. 37 (qarku Kukës) dhe vendimmarrja do të shpallet ditën e Enjte, datë 05.06.2025, në orën 09:50.

Ndërkohë do të vijojë në ditët në vijim shqyrtimi i kërkesave ankimore për qarqet Fier, Durrës, Elbasan.