Sot, Komisioneri Shtetëror i Zgjedhjeve plotësoi vakancat e krijuara në këshillat bashkiak të katër bashkive.

U plotësua vakanca në:

1. Këshillin e Bashkisë Dibër, me kandidatin nga lista shumemërore e “Partisë Socialiste të Shqipërisë”, zj. Majlinda Poçi.
2. Këshillin e Bashkisë Patos me kandidatin nga lista shumemërore e Koalicionit “Bashkë Fitojmë”, zj. Adile Alushaj.
3. Këshillin e Bashkisë Durrës, me kandidatin nga lista shumemërore e Koalicionit “Bashkë Fitojmë”, zj. Mirela Shala.
4. Këshillin e Bashkisë Tiranë, me kandidatin nga lista shumemërore e Partisë Socialiste të Shqipërisë, zj. Sara Shameti”.

Sa i përket vakancës së krijuar në Këshillin e Bashkisë Sarandë, KSHZ vendosi shtyrjen e shqyrtimit dhe dhënien kohë subjektit “Partia Demokratike” për të paraqitur dokumentacionin që mbështet kërkesën e tyre për të mos e plotësuar këtë vakancë.

Gjithashtu, u shqyrtua rezultati i verifikimit të Prokurorit të Përgjithshëm për subjektin vetëdeklarues z. Ali Hekuran Gjeta, kandidat për anëtar në Këshillin e Bashkisë Bulqizë, Qarku Dibër, i propozuar nga subjekti zgjedhor Aleanca Progresiste (LZHK), për zgjedhjet për organet e qeverisjes vendore të datës 14 maj 2023. Komisioneri konstatoi se kandidati nuk është në kushtet e ndalimit të kandidimit/moszgjedhshmërisë.