Sot në KQZ, Komisioneri Shtetëror i Zgjedhjeve, z. Ilirjan Celibashi priti Komisioneren për Mbrojtjen nga Diskriminimi zj. Genta Tafa (Bungo) për të diskutuar mbi kasesueshmërinë e qendrave të votimit nga personat me aftësi të kufizuara në zgjedhjet vendore të vitit 2027.

Diskutuam mbi forcimin e bashkëpunimit ndërinstitucional me synim eliminimin e barrierave fizike dhe ligjore që pengojnë pjesëmarrjen e personave me aftësi të kufizuara në procesin zgjedhor, si dhe garantimin e ushtrimit të së drejtës së votës në mënyrë të barabartë, të lirë dhe pa diskriminim.

Trajtuam çështjet që lidhen me:

• aksesueshmërinë fizike të qendrave të votimit për personat me aftësi të kufizuara,
• adresimi i mundësisë së votimit nga banesa për zgjedhësit që nuk mund të paraqiten në qendrën e votimit ditën e zgjedhjeve,
• mangësitë e kuadrit ligjor zgjedhor, të cilat krijojnë pengesa dhe trajtim të pabarabartë për këtë kategori zgjedhësish.

KSHZ solli në vëmendje përpjekjet e ndërmarra nga institucioni për të nxitur marrjen e masave nga njësitë e vetëqeverisjes vendore për përmirësimin e kushteve të aksesueshmërisë në qendrat e votimit.

KSHZ dhe KMD u dakordësuan për ndërmarrjen e veprimeve të përbashkëta institucionale me bashkitë e vendit për marrjen e masave nga ana e tyre për garantimin e aksuesueshmërisë së qendrave të votimit veçanërisht në ato qendra ku mungojnë rampat dhe elementet e tjera të aksesueshmërisë fizike. Gjithashtu, propozime të përbashkëta për Kuvendin e Shqipërisë, me synim krijimin e mundësive ligjore për votimin nga banesa të personave me aftësi të kufizuara, të cilët nuk janë në gjendje të paraqiten fizikisht pranë qendrës së votimit ditën e zgjedhjeve.