Manila, 14 tetor 2026 – Komisioni Qendror i Zgjedhjeve të Shqipërisë është shpallur fitues i çmimit për teknologjinë zgjedhore nga Shoqata e Organeve Botërore të Zgjedhjeve (A-WEB), për platformën elektronike të regjistrimit të votuesve jashtë vendit.

Ceremonia u zhvillua në kuadër të Asamblesë së Përgjithshme të AWEB, që është ngjarja kryesore që organizohet çdo dy vjet dhe ku vendet anëtare diskutojnë çështjet kyçe të administrimit zgjedhor, shkëmbejnë përvoja dhe marrin vendime strategjike për të ardhmen e Shoqatës. Takimi i këtij viti mblodhi mbi 150 delegatë, ndërsa A-WEB numëron sot 121 organe të menaxhimit të zgjedhjeve nga 111 vende.

Platforma e vlerësuar u mundësoi shtetasve shqiptarë që jetojnë jashtë vendit të regjistrohen elektronikisht për të votuar, duke e bërë procesin më të aksesueshëm për diasporën.