Sot, Komisioni Qendror i Zgjedhjeve ka nisur verifikimin paszgjedhor për kutitë e votimit dhe kutitë e materialeve zgjedhore të zgjedhjeve për Kuvend të datës 11 Maj 2025.

Do t’i nënshtrohen këqyrjes së mëpasshme të fletëve të votimit dhe materialeve zgjedhore 210 QV dhe kuti të Votimit nga Jashtë.

Nga të cilat:

• 44 KAVJ – votimi nga jashtë vendit
• 166 QV - votimi nga brenda vendit

Për verifikimin paszgjedhor janë përzgjedhur në mënyrë rastësore të 5% të qendrave të votimit për çdo KZAZ, si dhe 5% të kutive të votimit për çdo KAVJ, në zbatim të pikës 2 dhe 3 të urdhrit nr. 153 dhe procedurave të përcaktuara në udhëzimin nr. 15 te vitit 2021 të KSHZ.

Qëllimi i këqyrjes së mëpasshme e fletëve të votimit dhe e materialit zgjedhor është verifikimi i rregullsisë dhe saktësisë së veprimtarisë së administratës zgjedhore përgjatë administrimit të procesit dhe vlerësimit e numërimit të votave.

Verifikimi paszgjedhor kryhet në zbatim të nenit 167/2 të Kodit Zgjedhor dhe pasi është shpallur rezultati përfundimtar, janë përmbyllur procedurat ankimore dhe zgjedhjet kanë përfunduar.

Në këqyrjen e mëpasshme nuk përfshihen kutitë e votimit të cilat janë rinumëruar përgjatë procesit të shqyrtimit të ankimimeve (2124 QV brenda vendit dhe 85 kuti nga votimi jashtë vendit), ato që janë në proces hetimi penal për të cilat ka vendim sekuestrimi apo në pritje të tij.