Komisioneri Shtetëror i Zgjedhjeve, z. Ilirjan Celibashi me ftesë të Ambasadores së Zvicrës në Shqipëri, Sh.T. Znj. Ruth Huber mori pjesë në prezantimin e Programit të ri të Bashkëpunimit Zviceran 2026–2028, organizuar nga Ambasada e Zvicrës në Shqipëri.

Ky program është dëshmia e një partneriteti të qëndrueshëm dhe të suksesshëm për zhvillim dhe Zvicra ka qenë pranë Shqipërisë, duke mbështetur forcimin e institucioneve dhe përmirësimin e vazhdueshëm të cilësisë së shërbimeve publike për qytetarët.

Komisioni Qendror i Zgjedhjeve prej vitesh ka mbështetjen e vazhdueshme të Konfederatës Zvicerane në projekte që kanë zhvilluar më tej transparencën dhe efektivitetin e KQZ-së përmes mjeteve digjitale.

Mirënjohës për këtë mbështetje dhe bashkëpunim të shkëlqyer!