Komisioneri Shtetëror i Zgjedhjeve, z. Ilirjan Celibashi zhvilloi një takim të hapur me studentët e Fakultetit të Drejtësisë të Universitetit të Tiranës.

U diskutua mbi integritetin e procesit zgjedhor, transparencën, rolin e institucioneve dhe sfidat e përfshirjes së të rinjve në zgjedhje.

Studentët shfaqën interes dhe pyetje të vyera mbi procedurat e ankimeve, modernizimin e administrimit zgjedhor dhe mënyrat se si mund të kontribuojnë vetë në proceset demokratike.

Komisioneri Celibashi solli në vëmendje të studentëve procesin zgjedhor dhe etapat nëpër të cilat ai kalon, duke u ndalur në mënyrë specifike edhe tek sfidat me të cilat ky insitucion ndeshet. Ndër të tjera, KSHZ vlerësoi zhvillimin e procesit të fundit zgjedhor që garantoi ushtrimin e së drejtës së votës edhe për shtetasit shqiptarë me banim jashtë vendit duke e cilësuar si një nga proceset me transparente dhe demokratike.

Celibashi vlerësoi angazhimin dhe energjinë e studentëve, duke nënvizuar se edukimi zgjedhor dhe pjesëmarrja e të rinjve mbeten thelbësore për forcimin e integritetit të proceseve tona zgjedhore.