Komisioneri Shtetëror i Zgjedhjeve në seancën e sotme publike zëvëndësoi vakancat e krijuara në 5 këshillat bashkiak.

U zëvëndësuan vakancat në:

1. Këshillin e Bashkisë Vlorë, me kandidatin nga lista shumemërore e “Partisë Socialiste të Shqipërisë”, zj. Orkida Hasani”.
2. Këshillin e Bashkisë Tiranë, me kandidatin nga lista shumemërore e “Partisë Nisma Thurje”, zj. Egriselda Allushi”.
3. Këshillin e Bashkisë Prrenjas, me kandidatin nga lista shumemërore e Koalicionit “Bashkë Fitojmë”, zj. Blerina Kampula”.
4. Këshillin e Bashkisë Lushnjë, me kandidatin nga lista shumemërore e “Partisë Socialiste të Shqipërisë”, zj. Denisa Topi”.
5. Këshillin e Bashkisë Dimal, me kandidatin nga lista shumemërore e “Partisë Socialdemokrate”, zj. Kleanta Doko”.

U shqyrtua rezultati i verifikimit të Prokurorit të Përgjithshëm për subjektin vetëdeklarues z. Elton Bano, kandidat për Kryetar në Bashkinë Lushnjë, Qarku Fier, i propozuar nga subjekti zgjedhor “Shtëpia e Lirisë” (SH-L), për zgjedhjet e pjesshme vendore të datës 6 mars 2022. KSHZ deklaroi procedurën administrative të përfunduar dhe pa vendim përfundimtar, pasi vlerësohet se ka humbur objekti dhe qëllimi i procedurës administrative të filluar përpara ditës së zgjedhjeve.

Gjithashtu, u shqyrtua rezultati i verifikimit të Prokurorit të Përgjithshëm për subjektin vetëdeklarues z. Arjan Xheta, kandidat për anëtar në Këshillin e Bashkisë Bulqizë, Qarku Dibër, i propozuar nga subjekti zgjedhor “Partia Demokratike”, për zgjedhjet për organet e qeverisjes vendore të datës 14 maj 2023.

KSHZ konstatoi se z. Xheta nuk përfshihet në kushtet e ndalimit për të ushtruar funksionin public të anëtarit në këshillin e bashkisë.