Kalo te përmbajtja
Lajme/

Nis trajnimi për përdorimin e Platformës së Objekteve Zgjedhore (POZ)

Lajme

Nis trajnimi për përdorimin e Platformës së Objekteve Zgjedhore (POZ)

11/19/2026 | Lajme

Komisioni Qendror i Zgjedhjeve ka nisur sot ciklin e trajnimeve për përdorimin e Platformës së Objekteve Zgjedhore (POZ), platforma elektronike për raportimin dhe administrimin e të dhënave mbi qendrat e votimit (QV), selitë e KZAZ-ve.

Gjatë trajnimit, pjesëmarrësit u informuan gjithashtu mbi detyrimet ligjore dhe respektimin e afateve të përcaktuara në Kodin Zgjedhor për caktimin dhe raportimin e objekteve zgjedhore, përfshirë qendrat e votimit dhe selitë e KZAZ-ve, si dhe mbi procedurat që duhet të ndiqen për njoftimin e zgjedhësve lidhur me vendndodhjen e qendrave të votimit.

Përfaqësues nga 21 bashki praktikuan funksionalitetet e platformës, procesin e raportimit të të dhënave dhe dokumentacionit shoqërues, si dhe me procedurat e ndjekjes dhe përditësimit të raportimeve.

Trajnimet do të vijojnë edhe në ditët në vazhdim, me qëllim përgatitjen e administratës vendore për zbatimin e procesit të raportimit në Platformën e Objekteve Zgjedhore (POZ) dhe përmbushjen në kohë të detyrimeve që lidhen me organizimin e zgjedhjeve për organet e qeverisjes vendore, 9 Maj 2027.
Platforma mundëson raportimin, verifikimin, gjurmueshmërinë dhe krijimin e pasaportave digjitale për objektet zgjedhore.