Sot, u celebrua Dita Botërore e Zgjedhjeve, që mbahet të enjten e parë të muajit shkurt dhe që këtë vit përkon me datën 5 shkurt 2026.

Nën moton e inovacionit dhe fuqizimit të brezit të ri, Komisioni Qendror i Zgjedhjeve dhe Prezenca e OSBE-së në Shqipëri kanë bërë bashkë vizionet e tyre për të projektuar të ardhmen e proceseve tona demokratike.

Ceremonia u hap me mesazhe të fuqishme që rrezatojnë përkushtim ndaj standardeve më të larta europiane:

• Z. Ilirjan Celibashi, Komisioneri Shtetëror i Zgjedhjeve, hapi punimet duke theksuar integritetin e votës.
• Ambasadori Michel Tarran, Kryetar i Prezencës së OSBE-së në Shqipëri, rikonfirmoi partneritetin strategjik për forcimin e institucioneve.

"Young Influencers of Elections" – Zëri që Ndryshon Historinë

Znj. Jona Josifi, Drejtore e Përgjithshme e KQZ-së, shpalli nisjen e iniciativës vizionare "Young Influencers of Elections", e cila kthen të rinjtë në protagonistë të vërtetë të ndryshimit.

Inteligjenca Artificiale: Sfida e Epokës sonë

Në një panel elitar, u zbërthye roli i teknologjisë dhe AI në mbrojtjen e votës dhe informacionit:

• Znj. Nevila Gjata – Kryeredaktore, Faktoje.al.
• Z. Besar Likmeta – Kryeredaktor, BIRN Albania.
• Z. Joni Shtembari – Anëtar i Grupit Këshillimor Rinor të OSBE PiA.
• Nën moderimin brilant të Znj. Enia Hoxha.

Nga Trashëgimia te Teknologjia e Fundit

Udhëtimi ynë i sotëm kalon përmes stacioneve më rëndësishme:

1. Ekspozita e FletëVotimeve ndër Vite: Një vëmendjepër rrugëtimin historik të votës në Shqipëri te Piramida (Kubi i Gjelbër).
2. Gjimnazi "Petro Nini Luarasi": Atje ku teoria takon praktikën! Edukimi dhe demonstrimi i pajisjes së votimit dhe numërimit elektronik (PEVN) po përgatit votuesit tanë të ardhshëm.

Demokracia është një rrugëtim që e ndërtojmë çdo ditë, së bashku!