Sot Komisioneri Shtetëror i Zgjedhjeve, z. Ilirjan Celibashi mirëpriti në ambientet e Komisionit Qendror të Zgjedhjeve Sekretarin e Përgjithshëm të AWEB (Shoqata e Autoriteteve Zgjedhore të Botës), Z. In-sik Jang, dhe delegacionin e tij, në vizitën e tij të parë në Shqipëri.

Takimi zhvillohet në një moment kyç - në prag të mbledhjes dyditore të Komitetit për Ndryshimin e Kartës (CAC) të AWEB, që po e mikpritim pikërisht në Tiranë.

Z. In-sik Jang theksoi progresin e thellë demokratik të Shqipërisë dhe administrimin cilësor të zgjedhjeve sidomos gjatë viteve të fundit në Shqipëri. Më tej, AWEB shprehu vlerësimin maksimal për rolin vital dhe kontributet thelbësore të KQZ Shqipëri brenda organizatës.

Ky event në Tiranë është historik, duke sjellë përfaqësues nga pesë kontinente për të rishikuar Kartën Kushtetuese të AWEB, ndryshimet e së cilës datojnë 20 vite më parë.