Komisioneri Shtetëror i Zgjedhjeve në seancën e sotme publike shqyrtoi kërkesën e dy partive politike për tu regjistruar si subjekte zgjedhore në zgjedhjet e pjesshme për kryetar bashkie që do të mbahen në datën 9 nëntor 2025.

KSHZ vendosi regjistrimin si subjekte zgjedhore partitë politike:

1. “Partia Demokratike”,
2. “Partia e Lirisë”

Sot u miratua edhe sasia e fletëve të votimit që do të prodhohen për çdo Qendër Votimi për zgjedhjet e pjesshme vendore për kryetar bashkie, në bashkitë Vlorë, Berat, Tepelenë, Cërrik dhe Mat. Nga përpunimi i të dhënave të listës të zgjedhësve marrë nga Drejtoria e Përgjithshme e Gjendjes Civile për zgjedhjet e datës 9 nëntor 2025, rezulton se në Republikën e Shqipërisë numri i zgjedhësve është 334,559 zgjedhës.

Referuar pikës 4, të nenit 97, të Kodit Zgjedhor, duke shtuar 2% (përqind) mbi numrin e zgjedhësve në pesë bashkitë ku zhvillohen zgjedhjet e pjesshme, sasia e fletëve të votimit që duhet të prodhohen është 335,199 fletë votimi.

Gjithashtu, Komisioneri caktoi vendndodhjen e disa qendrave të votimit në ndërtesa private, për zgjedhjet e pjesshme vendore për kryetar bashkie, të datës 9 nëntor 2025.