Komisioneri Shtetëror i Zgjedhjeve, z. Ilirjan Celibashi mori pjesë në konferencën “30 vite partneritet dhe progres: Shqipëria, Këshilli i Europës dhe Komisioni i Venecias”, organizuar nga Kuvendi i Shqipërisë.

Në panelin e diskutimeve për reformën zgjedhore, KSHZ solli në vëmëndje disa nga çeshtjet që duhet të adresohen nga reforma e ardhshme zgjedhore.

Reforma Zgjedhore duhet të adresojë nevojshmërisht disa pika kyçe për të garantuar një proces me integritet, profesional dhe transparent:

1. Komisionet Zgjedhore: Të largohet përbërja vetëm partiake. Kërkohet formulë për administrim më profesional dhe me integritet.
2. Financimi: Qartësi dhe rregulla të plota për financimin e partive, subjekteve zgjedhore dhe palëve të treta. Fuqizim i KQZ për verifikim.
3. Fushata Elektorale: Rregulla për median, internetin dhe rrjetet sociale.
4. Institucionet Publike: Kufizime për veprimtarinë në periudhën para zgjedhjeve.
5. Votimi & Numërimi: Vendimmarrje për votimin elektronik dhe kthimi te numërimi në qendrat e votimit (me masa garantuese).
6. Ankimet Zgjedhore: Proces më efikas, qartësi procedurale dhe rishikim i Kolegjit Zgjedhor.
7. Votimi Special: Mundësi votimi për personat që nuk dalin nga shtëpia për arsye shëndetësore dhe për punonjësit me funksione në ditën e votimit.
8. Votimi nga Jashtë (Diaspora): Përcaktimi i mënyrës së votimit (me postë, online, në ambasada) dhe rregullat e llogaritjes së votës (në qarkun e gjendjes civile apo në një zonë të posaçme).
9. Referendumet: Krijimi i rregullave të plota.
10. KQZ & Partitë Politike: Rishikim i organizimit të KQZ dhe Ligjit për Partitë Politike (organizimi, financimi, sanksionet).