Komisioneri Shtetëror i Zgjedhjeve në seancën e sotme publike plotësoi vakancat e krijuara në këshillat bashkiak të katër bashkive. Konkretisht në:

1. Këshillin e Bashkisë Durrës, me kandidatin nga lista shumemërore e Partisë Socialiste të Shqipërisë, z. Kastriot Xhongoli.
2. Këshillin e Bashkisë Peqin, me kandidatin nga lista shumemërore e Partisë Socialiste të Shqipërisë, zj. Parashqevi Çehu.
3. Këshillin e Bashkisë Korçë, me kandidatin nga lista shumemërore e Koalicionit Bashkë Fitojmë, zj. Mirela Qeleshi.
4. Këshillin e Bashkisë Lezhë me kandidatin nga lista shumemërore e Partisë “Fryma e Re Demokratike”, z. Gjon Marku.

Për plotësimin e vakancës në Këshillin e Bashkisë Sarandë me kandidatin nga lista shumemërore e Partisë Drejtësi, Integrim dhe Unitet, zj. Ardiana Berisha”, Komisioneri do të vendosë pas shqyrtimit të dokumentacionit të paraqitur nga subjekti Partia Demokratike në kërkesën për shtyrjen e vendimmarrjes.

Sot u shqyrtua rezultati i verifikimit të Prokurorit të Përgjithshëm për subjektin vetëdeklarues zj. Entela Sula, kandidat për deputet, i propozuar nga subjekti zgjedhor Koalicioni “Nisma Shqipëria Bëhet-Adriatik Lapaj” qarku Tiranë, për zgjedhjet për Kuvend të datës 11 maj 2025”. U konstatua se zj. Sula nuk ndodhet në kushtet e ndalimit të kandidimit/moszgjedhshmërisë.

KSHZ përcaktoi vlerën në para të një vote të vlefshme për zgjedhjet për Kuvendin e Shqipërisë, të datës 11 maj 2025. Vlera në para e një vote të vlefshme është 94 (nëntëdhjetë e katër) lekë.

Gjithashtu, u vendos shpërndarja e kompensimit financiar paszgjedhor që do t’u jepet subjekteve zgjedhore pjesëmarrëse në zgjedhjet për Kuvendin e Shqipërisë, të datës 11 maj 2025.

Vlera e përfituar nga partitë politike të cilat nuk përfituan fonde para zgjedhjeve dhe kanë marrë jo më pak se 1 % të votave të vlefshme në shkallë vendi, është si më poshtë vijon

1. Lëvizja Bashkë - 2.307.418 lekë
2. Partia Lëvizja Shqipëria Bëhet - 3.884.362 lekë
3. Partia Mundësia - 4.601.488 lekë
4. Partia Koalicioni Euroatlantik - 1.963.190 lekë