Komisioneri Shtetëror i Zgjedhjeve, Ilirjan Celibashi bashkëbisedoi me përfaqësuesit e medias lidhur me përgatitjet e Komisionit Qendror të Zgjedhjeve për zgjedhjet e datës 9 Nëntor 2025.

Për zgjedhjet për kryetar bashkie në bashkitë Tiranë, Vlorë, Tepelenë, Cërrik, Mat dhe Berat, KSHZ përcolli këto informacione:

I. KOMISIONET

• Tiranë: KZAZ 13, QV 954
• Vlorë: KZAZ 4, QV 232
• Tepelenë: KZAZ 1, QV 22
• Mat: KZAZ 1, QV 47
• Cërrik: KZAZ 1, QV 57
• Berat: KZAZ 2, QV 116

Total 1428 QV

Total 22 KZAZ

II. ZGJEDHËS

Sa i përket numrit të zgjedhësve po i referohemi zgjedhjeve të fundit të datës 11 maj 2025, ku këto bashki kishin zgjedhës si më poshtë vijon:

• Tiranë 683.116 zgjedhës
• Vlorë 160.424 zgjedhës
• Tepelenë 11.658 zgjedhës
• Mat 26.765 zgjedhës
• Cërrik 35.380 zgjedhës
• Berat 74.760 zgjedhës

Total për 6 bashkitë, 992.103 zgjedhës

Komisioneri Celibashi theksoi se KQZ po përgatit dhe buxhetin për zgjedhjet në 6 bashki, por sipas një vlerësimi paraprak duke përfshirë personelin e pqekoshëm që do të angazhohet, Identifikimin Elektronik, kamerat në QV dhe VNV, logjistika zgjehdore, etj. kostoja e këtyre zgjedhjeve përllogaritet përafërsisht 306 milionë lekë.

Ndërkohë shtoi ai, janë përgatitur draft-aktet rregullatore që priten të miratohen nga Komisioni Rregullator si afatet proceduriale që kanë të bëjnë me ngritjen e komisioneve zgjedhore, regjistrimi i subjekteve zgjedhore, fillimin e fushatës e të tjerë. Kemi llogaritur që fushata zgjedhore të fillojë në datën 1 nëntor deri në datën 8 nëntor 2025.

KSHZ tha se aktualisht po zhvillohet procesi i rekrutimit të personelit që do të angazhohet në këto zgjedhje. Koha është e shkurtër por KQZ dhe Administrata e KQZ-së po punon intensivisht 24/7 për të organizuar dhe administruar një proces zgjedhor me të gjithë standardet e kërkuara.

Interesit të gazetarëve për implementin e votimit elektronik në një nga 6 bashkitë ku zhvillohen zgjedhjet e pjesshme, Komisioneri u përgjigj që me shumë gjasë nuk do të ketë për shkak dhe të kohës së shkurtër në dispozicion. Implementimi në Njësinë bashkiake nr. 10 në Tiranë, mbetet variant më i mundshëm për shkak se u realizua edhe në zgjedhjet e fundit të datës 11 maj 2025. KSHZ theksoi se nuk është vendosur asgjë deri tani dhe do të këtë konsultime me partitë politike mbi këtë aspekt të procesit zgjedhor.