Sot, Komisioneri Shtetëror i Zgjedhjeve, z. Ilirjan Celibashi pati kënaqësinë që të mikpresë tek Qendra e Votimit nga Jashtë, Ambasadorin e Prezencës së OSBE-së në Shqipëri Michel Tarran.

Ambasadori u njoh me të gjitha aspektet teknike dhe operacionale të administrimit të votave të zgjedhësve nga jashtë vendit. që nga mbërritja e zarfeve, administrimi i zarfeve dhe ndarja e materialeve në kutitë përkatëse për t’u numëruar, proces i cili do të kryhet paralelisht me numërimin e fletëve të votimit brenda vendit.

U prezantuan gjithashtu masat për sigurimin e integritetit të procesit, si monitorimi me kamera 24/7, procedurat e dyfishta të kontrollit dhe auditimi i brendshëm.

Ambasadori Tarran u shpreh shumë i impresionuar me nivelin e profesionalizmit me të cilin është organizuar mbledhja e votave nga jashtë vendit.

Pjesëmarrës në këtë vizitë ishte edhe Këshilltari i Lartë Politik i Ambasadës së Suedisë në vendin tonë.

Takimi u përmbyll me një prononcim të përbashkët për Radio-Televizionin Shqiptar ku garantuam se fshehtësia e votës së zgjedhësve nga jashtë është e garantuar.