Komisioneri Shtetëror i Zgjedhjeve në seancën e sotme publike vlerësoi raportin e Strukturës së Posaçme për periudhën 29 prill - 5 maj 2025. Janë monitoruar 50 faqe të institucioneve në mediat sociale dhe janë konstatuar dy postime problematike, për të cilat ka filluar hetimi administrativ.

Gjithashtu, u vlerësuan raportet e monitoruesve për datën 4 - 5 maj 2025. KSHZ vendosi urdhërimin e Policisë Bashkiake për mbylljen e zyrave zgjedhore dhe heqjen e materialeve propagandistike të subjekteve zgjedhore Partia Socialiste dhe koalicioni “PD-ASHM” në bashkitë, Tiranë, Lezhë, Gjirokastër, Korçë, Shkodër, Gramsh, Cërrik, Durrës, Vlorë. Policia Bashkiake duhet të raportojë në KQZ për zbatimin e vendimeve të KSHZ.

Komisioneri vlerësoi raportin mbi veprimtaritë publike për periudhën 27 prill- 3 maj 2025.

U vendos fillimi i shqyrtimit administrativ ndaj:

1. Muzeut Kombëtar të Përgjimeve "Shtëpia me Gjethe";
2. Bashkisë Vlorë;
3. Zyrës së Administrimit dhe Koordinimit të Parqeve Arkeologjike Apoloni dhe Bylis.

Komisioneri vendosi vijimin e hetimit adminstrativ për denoncimet nr. 109 ID, nr. 116 ID, nr. 117 ID, nr. 119 ID, nr. 123 ID, të depozituara nga Partia Demokratike ndaj kryetarëve të bashkive Tiranë, Krujë dhe Pogradec.

Përfundoi hetimi administrativ dhe vendimmarrja do të shpallet në seancën e radhës për denoncimet nr. 90 ID, nr. 92 ID, nr. 95 ID, nr. 97 ID, nr. 102 ID, nr. 107 ID, nr. 124 ID, nr. 127 ID, nr. 128 ID, nr. 112 ID, nr. 118 ID, nr. 121 ID, nr. 122 ID, ndaj:

1. Sekretarëve të këshillave bashkiak Fier, Durrës;
2. Kryetarëve të bashkive Fier, Durrës, Poliçan, Kamëz, Kuçovë, Kolonjë, Shkodër;
3. Kryetarit të Këshillit të Qarkut Durrës;
4. Ministrit të Brendshëm;
5. Drejtorëve të Shkollave 9-vjeçare “Zylyftar Veleshnja”Velmish, “Rramen Dashi”, Arapaj, në Fier.

U shty shpallja e vendimmarrjes për denoncimet nr. 142, nr. 140, nr. 143.