Sot, Komisioni Rregullator shqyrtoi projektvendimin “Për disa shtesa dhe ndryshime në vendimin nr. 22, datë 23.2.2022, të Komisionit Rregullator “Për miratimin e Kodit të Etikës së Komisionit Qendror të Zgjedhjeve”, i ndryshuar”.

Shtesat dhe ndryshimet synojnë përshtatjen e Kodit të Etikës me nevojat aktuale të funksionimit institucional dhe forcimin e standardeve etike në ushtimin e veprimtarisë së Komisionit Qendror të Zgjedhjeve.

Ndryshimet e propozuara u diktuan nga nevoja për të adresuar boshllëqe të evidentuara në zbatimin praktik të Kodit të Etikës, si dhe për ta harmonizuar me legjislacionin në fuqi që rregullon marrëdhëniet e punës, etikën në administratën publike dhe parimet e mirëqeverisjes.

Projektvendimi u miratua me 5 vota pro.