Komisioneri Shtetëror i Zgjedhjeve, z. Ilirjan Celibashi mirëpriti në KQZ Zëvendëspresidentin për Programet dhe Strategjinë në IFES, z. Christopher Le Mon, si dhe Drejtorin e IFES për Shqipërinë, Bosnjë-Hercegovinën dhe Serbinë, z. Nermin Nišić.

Gjatë takimit diskutuan mbi çështje me rëndësi për zhvillimin dhe modernizimin e proceseve zgjedhore, duke u fokusuar në:

• Sfidat dhe mundësitë e përdorimit të teknologjisë së informacionit në administrimin e proceseve zgjedhore;
  • Përdorimin dhe ndikimin e inteligjencës artificiale në administrimin, monitorimin dhe integritetin e zgjedhjeve;
  • Forcimin e programeve të trajnimit dhe edukimit zgjedhor si faktor kyç për garantimin e proceseve zgjedhore profesionale, transparente dhe në përputhje me standardet ndërkombëtare.

Gjithashtu, u diskutua mbi forcimin e mëtejshëm të bashkëpunimit ndërmjet KQZ-së, Fondacionit Ndërkombëtar për Sistemet Zgjedhore (IFES), me synim rritjen e kapaciteteve institucionale dhe promovimin e inovacionit në administrimin zgjedhor.

Vlerësojmë ekspertizën që IFES ka mbi sistemet dhe proceset zgjedhore në mbarë botën dhe besojmë se bashkëpunimi KQZ-IFES do të të kontribuojë në forcimin e integritetit, profesionalizmit dhe besimit publik në proceset zgjedhore në Shqipëri.

Bashkëbiseduesit vlerësuan përparimin e dallueshëm që ka bërë KQZ në administrimin e zgjedhjeve, veçanërisht me zhvillimet digjitale. Përdorimi i AI në zgjedhje, përfshi këtu edhe procesin e numërimit të votave, përbën një zhvillim unik në rrethin e administratave zgjedhore jo vetëm në rajon, por edhe edhe në botë.