Komisioni Rregullator miratoi disa shtesa në vendimin nr.11, datë 25.03.2021, të Komisionit Rregullator “Për mënyrën e ngritjes, organizimit, funksionimit të komisionit të qendrës së votimit dhe zhvillimit të zgjedhjeve në qendrën e votimit”, i ndryshuar”.

Shtesat dhe ndryshimet e miratuara sot janë thelbësore për të adresuar problematikat e evidentuara në proceset zgjedhore të mëparshme dhe për të përmbushur standardet ndërkombëtare për zgjedhje të lira, të ndershme dhe transparente. Përmirësimi i sigurisë në qendrat e votimit, rritja e profesionalizmit të anëtarëve të KQV-së janë masa që do të kontribuojnë në rritjen e besimit të publikut në procesin zgjedhor dhe në rezultatet e tij.

Ndryshimet dhe shtesat e vendimit adresojnë disa rekomandimet e institucioneve ndërkombëtare si OSBE/ODIHR dhe organizatave të shoqërisë civile që operojnë në fushën e zgjedhjeve.