Sot, Komisioni i Ankimimeve dhe Sanksioneve shqyrtoi kërkesat ankimore nr. 62 dhe nr. 63 të depozituara nga Partia “Aleanca Demokracia e Re” dhe Partia “Aleanca Demokratike Shqiptare” me objekt “Kundërshtimi i vendimit të Komisionerit Shtetëror të Zgjedhjeve me nr. 1504, të datës 11.11.2025 “Për miratimin e raportit mbi gjetjet nga auditimi i raporteve financiare të partive politike për të ardhurat dhe shpenzimet për vitin kalendarik 2024”.

Në përfundim të shqyrtimit, KAS vendosi:

1. Rrëzimin e kërkesës ankimore nr. 62 të depozituar nga nga Partia “Aleanca Demokracia e Re”.
2. Pranimin e kërkesës ankimore nr. 63 të depozituar nga partia “Aleanca Demokratike Shqiptare”, ndryshimin dhe shfuqizimin e vendimit nr. 1504 të KSHZ-së, datë 11.11.2025, vetëm për pikën 5 të dispozitivit të tij, që përcakton sanksionin administrativ për partinë “Aleanca Demokratike Shqiptare”.