Sot, Komisioneri Shtetëror i Zgjedhjeve, z. Ilirjan Celibashi mori pjesë në tryezën advokuese “Për një reformë zgjedhore gjithëpërfshirëse dhe rritjen e efektshmërisë së hetimit të krimit zgjedhor në Shqipëri”, organizuar nga Komiteti Shqiptar i Helsinkit dhe Qendresa Qytetare.

Aktiviteti bëri bashkë përfaqësues nga Kuvendi i Shqipërisë, Prezenca e OSBE-së në Shqipëri, partitë politike (parti parlamentare dhe jo parlamentare), institucione të drejtësisë, institucione të pavarura, shoqërinë civile dhe partnerë ndërkombëtarë.

Tryeza synoi të shërbejë si një platformë për të forcuar dialogun mes aktorëve të reformës zgjedhore dhe për të nxitur më tej angazhim politik në proceset zgjedhore.

Në panelin e diskutimeve, KSHZ theksoi rëndësinë e përfundimit të reformës zgjedhore në kohë në mënyrë që, partitë politike, KQZ apo edhe institucione të tjera publike që lidhen me procesin zgjedhor, do të kenë kohën e mjaftueshme në dispozicion për të përgatitur zgjedhjet vendore të 2027.

Komisionerit Celibashi solli në vëmëndje që:

• Reforma zgjedhore duhet të synojë përmirësimin e funksionimit të këtyre rregullave dhe adresimin e problematikave që janë evidentuar gjatë proceseve zgjedhore të mëparshme
• Procesi i reformës duhet të jetë transparent, i hapur dhe i konsultuar gjerësisht.
• Reforma duhet të adresojë një sërë çështjesh të cituara tashmë nga KQZ, siç janë; përbërja e komisioneve të nivelit të ulët, financimi i fushtave zgjedhore, sjellja e institucioneve publike në periudhë zgjedhore, keqpërdorimi i aseteve publike, procedurat e votimit dhe të nxjerrjes së rezultatit, e të tjerë.

Tryeza e sotme dha një kontribut në debatin mbi ndryshimet që po diskutohen për reformën zgjedhore me qëllim përmirësimin e legjislacionit zgjedhor përmes një reforme të plotë, gjithëpërfshirëse dhe të konsultuar gjerësisht, në përputhje me rekomandimet e vazhdueshme të OSBE/ODIHR-it.