Sot, në Komisionin Qendror të Zgjedhjeve u prezantuan BIRN Albania gjetjet dhe analiza e raporteve financiare të subjekteve zgjedhore dhe kandidatëve për deputetë në zgjedhjet për Kuvend, të datës 11 maj 2025.

Analiza synoi të ofrojë një pasqyrë të detajuar mbi mënyrën e raportimit financiar gjatë fushatës zgjedhore, si dhe të identifikojë disa nga problematikat dhe sinjalet paralajmëruese (“red flags”) të evidentuara në deklarimet financiare të kandidatëve dhe subjekteve zgjedhore.

Qëllimi i këtij takimi ishte prezantimi në mënyrë të përmbledhur gjetjet kryesore të analizës dhe të krijojë një hapësirë diskutimi teknik mes KQZ, ekspertëve dhe shoqërisë civile.

Fokusi i takimit:

• diskutimi i çështjeve kryesore të identifikuara në raportimin financiar të fushatës;
• identifikimi i praktikave që kërkojnë përmirësim në procesin e raportimit dhe monitorimit;
• shkëmbimi i perspektivave institucionale mbi mekanizmat për forcimin e transparencës dhe llogaridhënies në financimin e fushatave zgjedhore.

Aktiviteti u organizua me mbështetjen e Fondacionit Westminster për Demokraci (WFD), në kuadër të projektit “Korniza e Ballkanit Perëndimor: Investim në Qëndrueshmërinë Demokratike”, financuar nga FCDO nëpërmjet Ambasadës Britanike në Tiranë.