Sot, Komisioneri Shtetëror i Zgjedhjeve shqyrtoi rezultatet e verifikimit të Prokurorit të Përgjithshëm për dy subjekte vetëdeklaruese, kandidatë në zgjedhjet e vitit 2025.

KSHZ deklaroi procedurën administrative të përfunduar dhe pa vendim përfundimtar për subjektin vetëdeklarues z. Gabriel Guma kandidat i propozuar nga zgjedhësit, në zgjedhjet e pjesshme vendore për kryetar bashkie, në disa njësi të qeverisjes vendore, të datës 9 nëntor 2025, pasi vlerësohet se ka humbur objekti dhe qëllimi i procedurës administrative të filluar përpara ditës së zgjedhjeve.

Të përfunduar dhe pa vendim përfundimtar deklaroi edhe procedurën administrative për subjektin vetëdeklarues z. Klaudio Zotaj, kandidat për deputet i propozuar nga subjekti zgjedhor Partia “Socialdemokrate”, Qarku Vlorë, pasi vlerësohet se ka humbur objekti dhe qëllimi i procedurës administrative të filluar përpara ditës së zgjedhjeve.

Gjithashtu, u plotësua vakanca në Këshillin e Bashkisë Cërrik, me kandidatin nga lista shumemërore e “Partisë Socialdemokrate”, zj. Enkeleda Panxhi.