Sot, Komisioneri Shtetëror i Zgjedhjeve në seancë publike shqyrtoi rezultatet e verifikimit të Prokurorit të Përgjithshëm për tre subjekte vetëdeklaruese.

U shqyrtua rezultatii i verifikimit për:

1. Z. Lisman Sami Pellumaj, kandidat për deputet, i propozuar nga subjekti zgjedhor “Partia Socialdemokrate”, Qarku Shkodër, për zgjedhjet për Kuvend të datës 11 maj 2025”.
2. Z. Ferdinant Selam Aligjoni, kandidat për deputet i propozuar nga subjekti zgjedhor Partia “Lëvizja Socialiste për Integrim”, Qarku Vlorë, për zgjedhjet për Kuvendin e Shqipërisë të datës 25 prill 2021”.
3. Z. Halim Ismail Dauti, kandidat për deputet i propozuar nga subjekti zgjedhor “Partia Socialiste e Shqipërisë”, Qarku Kukës, për zgjedhjet për Kuvendin e Shqipërisë të datës 25 prill 2021”.

KSHZ konstatoi se z. Lisman Pëllumaj nuk përfshihet në kushtet e ndalimit për të ushtruar funksionin publik të deputetit.

Ndërkohë deklaroi procedurën administrative si të përfunduar dhe pa vendim përfundimtar për z. Ferdinant Aligjoni dhe për z. Halim Dauti, pasi vlerësohet se ka humbur objekti dhe qëllimi i procedurës administrative të filluar para datës së zgjedhjeve.

Gjithashtu, në seancën e sotme publike u plotësua vakanca në Këshillin e Bashkisë Shkodër, me kandidatin nga lista shumemërore e “Partisë Socialiste të Shqipërisë”, zj. Daniela Pavlo Jakoja.